Singapore COVID-19: ప్రపంచనే వణికించిన కరోనా మహమ్మారి మళ్ళీ ప్రజలను భయాందోళనకు గురిచేస్తుంది. ప్రస్తుతం ప్రపంచవ్యాప్తంగా కరోనా ప్రభావం తగ్గినప్పటికీ, సింగపూర్లో మాత్రం కేసులు మరోసారి వేగంగా పెరుగుతున్నాయి. సింగపూర్ ఆరోగ్య శాఖ విడుదల చేసిన తాజా గణాంకాల ప్రకారం, ఈ నెల 10 నుంచి 16 తేదీల మధ్య ఒక్క వారం వ్యవధిలోనే 12,700 కొత్త కరోనా కేసులు నమోదయ్యాయి.
ఇది అంతకుముందు వారంతో పోలిస్తే దాదాపు 58.8 శాతం అధికం కావడం గమనార్హం. కరోనా కేసులు పెరుగుతుండటంతో ఆసుపత్రుల్లో చికిత్స పొందుతున్న వారి సంఖ్య కూడా రోజురోజుకు అధికమవుతోంది. గతంలో రోజుకు సగటున 56 మంది ఆసుపత్రిపాలు కాగా, ప్రస్తుతం ఆ సంఖ్య 73కు చేరింది. అయితే ప్రస్తుతానికి ఎలాంటి మరణాలు నమోదు కాలేదని అధికారులు వెల్లడించారు.
ప్రస్తుతం వ్యాప్తిలో ఉన్న ‘NB.1.8.1’ కరోనా వేరియంట్పై ప్రస్తుతం అందుబాటులో ఉన్న వ్యాక్సిన్లు ప్రభావవంతంగా పనిచేస్తున్నాయని వైద్య నిపుణులు వెల్లడిస్తున్నారు. అయినప్పటికీ ప్రజలు అప్రమత్తంగా ఉండాలని, అవసరమైన జాగ్రత్తలు పాటించాలని సింగపూర్ వైద్య ఆరోగ్య శాఖ సూచించింది.
ముఖ్యంగా వృద్ధులు, చిన్నపిల్లలు, ఆరోగ్య సమస్యలు ఉన్నవారు మరింత జాగ్రత్తగా ఉండాలని నిపుణులు హెచ్చరిస్తున్నారు. కరోనా వ్యాప్తి మళ్లీ పెరుగుతున్న నేపథ్యంలో ప్రజలు మాస్కులు ధరించడం, పరిశుభ్రత పాటించడం, గుంపుల ప్రదేశాల్లో జాగ్రత్తలు తీసుకోవడం అవసరమని సూచిస్తున్నారు.
Must Read
Heavy rains | ఆంధ్రప్రదేశ్లో మూడు రోజుల పాటు వర్షాలు.. వాతావరణ శాఖ కీలక...
Heavy rains: ఆంధ్రప్రదేశ్లో మరోసారి వర్షాలు విస్తరించే పరిస్థితులు కనిపిస్తున్నాయి. వాతావరణంలో ఏర్పడిన తాజా మార్పుల కారణంగా రానున్న రెండు నుంచి మూడు రోజుల పాటు రాష్ట్రంలోని పలు ప్రాంతాల్లో వర్షాలు కురిసే...
