Beijing Plane Crash: బీజింగ్ నగరంలో జరిగిన విమాన ప్రమాద ఘటన స్థానికులతో పాటు అంతర్జాతీయ స్థాయిలో కూడా చర్చకు దారితీసింది. నగరంలో అత్యంత ఎత్తైన భవనాల్లో ఒకటిగా పేరొందిన సిటిక్ టవర్ను (చైనా జున్)(CITIC Tower) ఒక చిన్న విమానం ఢీకొట్టిన ఘటన స్థానికులను ఒక్కసారిగా భయాందోళనకు గురిచేసింది. ప్రమాదం జరిగిన వెంటనే అత్యవసర సహాయక బృందాలు ఘటనాస్థలికి చేరుకుని పరిస్థితిని అదుపులోకి తీసుకొచ్చాయి.
ప్రాథమిక సమాచారం ప్రకారం, శుక్రవారం సాయంత్రం జరిగిన ఈ ఘటన అనంతరం భవనంలో ఉన్న ఉద్యోగులు, సందర్శకులను అధికారులు వెంటనే బయటకు తరలించి సురక్షిత ప్రాంతాలకు చేర్చారు. ఎలాంటి అవాంఛనీయ పరిస్థితులు తలెత్తకుండా పరిసర ప్రాంతాన్ని పూర్తిగా భద్రతా వలయంలోకి తీసుకున్నారు. ప్రమాదం జరిగిన ప్రాంతంలో విమాన శకలాలు చెల్లాచెదురుగా పడిపోవడంతో అక్కడి ప్రజలు తీవ్ర భయాందోళనకు గురయ్యారు. ఘటనకు సంబంధించిన వీడియోలు, ఫొటోలు సోషల్ మీడియాలో వేగంగా వైరల్ అవుతున్నాయి.
అయితే ఇప్పటివరకు ఈ ప్రమాదంలో ఎవరైనా గాయపడినట్లు లేదా ప్రాణనష్టం జరిగినట్లు అధికారులు అధికారికంగా నిర్ధారించలేదు. 528 మీటర్ల ఎత్తుతో నిర్మించిన సిటిక్ టవర్ బీజింగ్ నగరానికి ప్రతీకగా నిలిచిన భవనాల్లో ఒకటి. పురాతన చైనా వైన్ పాత్ర ఆకృతిని పోలి ఉండే ప్రత్యేక డిజైన్తో ఈ భవనం ప్రపంచవ్యాప్తంగా గుర్తింపు పొందింది.
విమానం భవనాన్ని ఎలా ఢీకొట్టింది? సాంకేతిక లోపమా, వాతావరణ పరిస్థితుల ప్రభావమా, లేక ఇతర కారణాలున్నాయా అనే అంశాలపై అధికారులు దర్యాప్తు ప్రారంభించారు. విచారణ పూర్తయ్యే వరకు ప్రమాదానికి గల అసలు కారణాలపై ఎలాంటి వ్యాఖ్యలు చేయలేమని సంబంధిత అధికారులు వెల్లడించారు.
Must Read
Venezuela | శిథిలాల కింద 48 గంటల పోరాటం.. సజీవంగా బయటపడిన 18 రోజుల...
Venezuela: వెనిజులాలో సంభవించిన భారీ భూకంపం వేలాది కుటుంబాలను విషాదంలో ముంచెత్తింది. క్షణాల్లో కూలిపోయిన భవనాలు, కోల్పోయిన ప్రాణాలు, నిరాశ్రయులైన ప్రజలు దేశాన్ని శోకసంద్రంలోకి నెట్టాయి. అయితే ఈ విషాదంలోనూ కొన్ని ఘటనలు...
